القائمة الرئيسية

الصفحات

طريقة عمل الرز بلبن زي المحلات



اللي بيعمل رز بلبن بوش مكرمش زينا نقوله ياعمنا 😂 ❤️
لو عجبكم هكتب الطريقه
تعديل
⬜-مكوناته:
⏹-كوبايه الا ربع رز (او نص كوبايه زي ماتحبي)
⏹-كيلو لبن
⏹-كوبايه سكر(او حسب ماتحبي)
⏹قشطه (من عند اللبان) او لو مجمعه قشطه اللبن تنفع ولو مفيش قشطه خالص يبقي معلقتين كريم شانتيه هتدوبيهم في شويه لبن وتنزلي بيهم ع الرز بلبن
⏹-فانيليا

 الطريقه بالخطوات 

◽ بسوي الرز في ميه كتير بمعني كوبايه الرز عليها تقريبا 3كوبايات ميه يعني عايزاه مستوي شويه زياده عن الطبيعي
◽في حله تانيه بحط اللبن وبيبقي بارد ميكونش اتغلي قبل كده حتي لو بلدي واضيف عليه الرز المستوي+كوبايه السكر +(النقطه دي مهمه اولا علشان الرز بلبن يطلع معاكي لونه ابيض ناصع مش مصفر ومتقلقيش اللبن مع الرز كده كده هيغلي اكتر من مره فمش هيبقي موجود اي بكتريا وانا عن نفسي بستخدم لبن لمار وبضيف كمان معاهم القشطه
◽ هتسيبيهم يغلوا ويندمجو ع نار هاديه مع التقليب وكل مايغلي كل مالنشا اللي في الرز هيتقل قوام اللبن (انا مبستخدمش نشا نهائي بعتمد علي النشا اللي في الرز)

◽ اول ماتوصلي للقوام التقيل ل للبن هتقفلي عليه وتضيفي الفانيليا 😋 واما يبرد هتشوفي اد ايه متماسك وكريمي ووهمي
واستمتعي بقا بألذ طعم للرز بلبن كريمي وجمييل وبيدوب في البق 😋
⬛بعد ماتحطي الرز في الاطباق سيبيه يهدي وغطيه ببلاستيك استرتش وحطيه في التلاجه علشان تضمني انه ميلقطش اي روائح اكل من التلاجه
هل اعجبك الموضوع :

تعليقات